کامیابی کیلئے 2 سے 3 کھلاڑیوں کا بڑا سکور کرنا ضروری ہے، روہت شرما

بھارتی کرکٹ ٹیم کے کپتان روہت شرما کا کہنا ہے کہ چیمپئنز ٹرافی میں کامیابی کیلئے 2 سے 3 کھلاڑیوں کا بڑا سکور کرنا ضروری ہے۔

دبئی میں میڈیا سے گفتگو کرتے ہوئے بھارتی کپتان نے کہا کہ فی الحال ہمارا پہلے میچ پر فوکس ہے۔ ایک ایک میچ پر فوکس کر کے جیتنے کی کوشش کریں گے۔ انہوں نے کہا کہ بھارتی ٹیم بہت متوازن ہے، سپنر اور آل راؤنڈرز کاکمبی نیشن ہے۔

روہت شرما نے مزید کہا کہ آئی سی سی کے تمام ٹورنامنٹ میں ہر ٹیم جیتنے کا سوچ کر آتی ہے۔ انہوں نے کہا کہ دبئی کے ماحول سے ہم آہنگ ہونے کی کوشش کر رہے ہیں۔ ہر گراؤنڈ کی اپنی کنڈیشنز اور چیلنجز ہوتے ہیں۔ کھلاڑیوں پر بھروسہ ہے اچھا پرفارم کریں گے۔