گوہر، کبریٰ کے بعد ایک اور اداکار کا حرم شریف میں نکاح!

پاکستانی شوبز انڈسٹری کے معروف اداکار عمر شہزاد نے خانہ کعبہ میں نکاح کرلیا، جس کے بعد انہوں نے سوشل میڈیا پر مداحوں کو اس خوشخبری سے آگاہ کیا۔

میڈیا رپورٹس کے مطابق، نکاح کی یہ بابرکت تقریب خانہ کعبہ میں منعقد ہوئی، جس میں قریبی رشتہ داروں اور دوستوں نے شرکت کی۔ نکاح کے بعد عمر شہزاد نے خانہ کعبہ کے سامنے کھینچی گئی تصاویر سوشل میڈیا پر شیئر کیں اور ایک خوبصورت پیغام کے ذریعے اپنی زندگی کے نئے سفر کی اطلاع دی۔

اپنی پوسٹ میں اداکار نے آغاز میں قرآن پاک کی ایک آیت کا ترجمہ شیئر کیا، جس میں لکھا تھا: "اور ہم نے تمہیں جوڑوں میں پیدا کیا۔” اس کے بعد انہوں نے لکھا: "مکہ کے بابرکت آسمانوں کے نیچے ایک نیا آغاز۔ ہمارا سفر محبت، ایمان اور اللہ کی رحمت سے بھرا ہو۔”

شیئر کی گئی تصاویر میں عمر شہزاد کو اپنی اہلیہ کا ہاتھ تھامے خانہ کعبہ کے قریب کھڑے دیکھا جاسکتا ہے، تاہم ان کی اہلیہ کی شناخت یا دیگر تفصیلات فی الحال سامنے نہیں آئی ہیں۔

 

View this post on Instagram

 

A post shared by Omer Shahzad (@omer_shahzad)