06:56 , 23 اکتوبر 2025
Watch Live

فضل الرحمان کی حماس کے سابق سربراہ سے ملاقات، قوم کے جزبات سے آگاہ کیا

جے یو آئی سربراہ مولانا فضل الرحمان کی قطر میں حماس کے سابق سربراہ ڈاکٹر خالد مشعل سے ملاقات، پاکستانی عوام کے جذبات سے آگاہ کرتے ہوئے کہا کہ پاکستانی عوام کے دل اپنے فلسطینی بھائیوں کے ساتھ دھڑکتے ہیں۔

ملاقات میں مولانا فضل الرحمان نے کہا کہ اسرائیل جنگی مجرم ہے جو بنیادی انسانی حقوق کی خلاف ورزی کر رہا ہے۔ انہوں نے شہداء کی تعزیت اور زخمیوں کی جلد صحتیابی کی دعاء کی۔

ڈاکٹر مشعل نے کہا کہ فلسطینی مسلمان اپنے مسلمان بھائیوں کی امداد کے منتظر ہیں۔ فلسطینی مسلمانوں کو دوائیوں ،خیموں اور راشن کی اشد ضرورت ہے۔ مولانا فضل الرحمان کی جانب سے ہر قسم کے تعاون کی یقین دہانی کروائی گئی۔

گزشتہ روز مولانا فضل الرحمان کی حماس کی مرکزی مجلس شوری کے سربراہ ابو عمر سے ملاقات ہوئی تھی۔ ملاقات میں علامہ راشد محمود سومرو، مفتی ابرار احمد اور حماس رہنما ڈاکٹر ظہیر ناجی بھی موجود تھے۔

 

 

متعلقہ خبریں
اہم خبریں۔
ضرور دیکھیں
INNOVATION