"ایشا دیول نے اجے دیوگن کیساتھ ڈیٹنگ کی افواہوں پر خاموشی توڑ دی”

بالی وڈ کی لیجنڈ جوڑی دھرمیندر اور ہیما مالنی کی بیٹی، اداکارہ ایشا دیول نے اجے دیوگن کے ساتھ ڈیٹنگ کی افواہوں پر بالآخر خاموشی توڑ دی ہے۔

2002 میں اپنے فلمی کیریئر کا آغاز کرنے والی ایشا دیول، 14 سال کے وقفے کے بعد اب اداکاری کی دنیا میں واپسی کر رہی ہیں۔ ایک حالیہ انٹرویو میں، ایشا نے ماضی میں اپنے نام کے ساتھ جڑی ہوئی افواہوں پر بات کی، خاص طور پر اجے دیوگن کے ساتھ تعلقات کے حوالے سے۔

ایشا دیول نے کہا، "کچھ خبریں درست تھیں جبکہ کچھ محض افواہیں تھیں۔ لوگوں نے ہمارا نام جوڑا اور کہا کہ ہم ایک دوسرے کو ڈیٹ کر رہے ہیں۔” انہوں نے مزید کہا، "میرے اور اجے کے درمیان ایک خوبصورت دوستی ہے جس میں پیار، عزت اور ایک دوسرے کے لیے ستائش ہے۔ ہمارے تعلقات کا جوڑنا عجیب تھا۔”

اداکارہ نے وضاحت دی کہ "شاید ایسا اس لیے تھا کیونکہ میں اپنے ساتھی اداکاروں کے ساتھ اکثر فلموں میں کام کر رہی تھی، جس کی وجہ سے میں ان کے ساتھ زیادہ نظر آتی تھی۔”

یاد رہے کہ ایشا دیول اور اجے دیوگن نے کئی فلموں جیسے "یووا”، "میں ایسا ہی ہوں”، "کال”، "انسان” اور "کیش” میں ایک ساتھ کام کیا۔