سندھ میں عیدالفطر کی کتنی چھٹیاں ہوں گی؟ اعلان ہوگیا

سندھ حکومت نے عیدالفطر کی تعطیلات کا اعلان کردیا۔ 31 مارچ سے 2 اپریل تک تین روز تک سرکاری و نیم سرکاری ادارے بند رہیں گے۔

اس سے قبل وفاقی حکومت نے بھی عید الفطر کے لیے 3 تعطیلات کا اعلان کیا تھا۔ وفاقی حکومت کے نوٹیفکیشن کے مطابق تعطیلات 31 مارچ سے 2 اپریل تک ہوں گی۔ ان تعطیلات کے دوران تمام سرکاری و نیم سرکاری دفاتر بند رہیں گے۔

ماہرین فلکیات نے پیش گوئی کی ہے کہ رمضان 29 دنوں کا ہوگا اور عید الفطر 31 مارچ کو منائی جائے گی، جب کہ 30 مارچ کی شام چاند نظر آنے کا امکان ہے۔ اگر 30 روزے پورے ہوئے تو عید الفطر یکم اپریل کو منائی جائے گی۔