سعودی عرب میں اقامہ کی کی میعاد چیک کرنے کا آسان طریقہ

ریاض – سعودی عرب میں غیر ملکی رہائشیوں، بشمول پاکستانی شہریوں کے لیے اقامہ کی حیثیت جانچنے کے لیے مختلف آن لائن اور آف لائن خدمات فراہم کی جا رہی ہیں۔ اقامہ ایک ضروری دستاویز ہے جو سعودی عرب میں رہائش کا قانونی ثبوت فراہم کرتی ہے۔ اس کے بغیر نہ صرف روزگار حاصل کرنا مشکل ہوتا ہے بلکہ دیگر سرکاری خدمات جیسے ڈرائیونگ لائسنس اور مختلف سرکاری کاموں کے لیے بھی اقامہ ضروری ہے۔

سعودی وزارت داخلہ اقامہ جاری کرنے کی ذمہ دار ہے اور اس کی میعاد کی تصدیق کرنا ضروری ہے تاکہ کسی بھی قانونی کارروائی سے بچا جا سکے۔ سعودی اقامہ ہولڈرز اپنی اقامہ کی حیثیت کو تین مختلف طریقوں سے جانچ سکتے ہیں:

آن لائن طریقے

1. وزارت محنت کی ویب سائٹ
   غیر ملکی اپنے اقامہ کی حیثیت وزارت محنت کی سرکاری ویب سائٹ کے ذریعے چیک کر سکتے ہیں۔ اس کے لیے اقامہ نمبر اور تاریخ پیدائش فراہم کرنا ضروری ہے۔ اس کے بعد ویب سائٹ پر دی گئی ہدایات کے مطابق کیپچا کی تصدیق کر کے آپ اپنی اقامہ کی حیثیت دیکھ سکتے ہیں۔

2. ابشر ایپ
   ابشر ایپ ایک اور آسان طریقہ ہے جس سے غیر ملکی اپنے اقامہ کی میعاد چیک کر سکتے ہیں۔ اس میں لاگ ان کرنے کے بعد "استفسار اقامہ کی میعاد ختم ہونے والی خدمت” کا انتخاب کریں، اور اسکرین پر تمام تفصیلات ظاہر ہو جائیں گی۔

3. ایس ایم ایس کا طریقہ
   وہ لوگ جو فوری طور پر اپنی اقامہ کی حیثیت چیک کرنا چاہتے ہیں، وہ ایس ایم ایس کے ذریعے بھی اپنی معلومات حاصل کر سکتے ہیں۔ ایس ایم ایس کی خاص فارمیٹ کے ذریعے آپ اپنی اقامہ کی حیثیت جان سکتے ہیں۔

آف لائن طریقہ

اگر کسی کو آن لائن طریقے سے اقامہ کی حیثیت چیک کرنے میں دشواری ہو، تو وہ سعودی عرب میں اپنے قریب ترین پاسپورٹ آفس (جوازات) کا دورہ کر کے اپنی اقامہ کی حیثیت کی تفصیلات معلوم کر سکتے ہیں۔