مصطفیٰ عامر قتل کیس: ملزم ارمغان منی لانڈرنگ، کرپٹو اور منشیات فروشی میں ملوث

اسلام آباد: ایف آئی اے کی جانب سے انسداد دہشتگردی عدالت میں جمع کرائے گئے عبوری چالان میں انکشاف ہوا ہے کہ مصطفیٰ عامر قتل کیس کے ملزم ارمغان کال سینٹر کے ذریعے ماہانہ 3 سے 4 لاکھ ڈالر کماتا تھا اور اپنی آمدنی کرپٹو کرنسی میں منتقل کرتا تھا۔

چالان کے مطابق، ارمغان اور اس کے ساتھی امریکی اداروں کے اہلکار بن کر لوگوں کو دھوکا دیتے تھے۔ ملزم کے پاس 8 قیمتی گاڑیاں ہیں جن کی مالیت 15 کروڑ روپے سے زائد ہے۔ اس کے خلاف ثبوت 18 لیپ ٹاپس اور فراڈ میں استعمال ہونے والے اسکرپٹس کی شکل میں موجود ہیں۔

ایف آئی اے کا کہنا ہے کہ ارمغان نے 2018 میں اپنی کال سینٹر کمپنی رجسٹر کروائی اور کامران قریشی کے ساتھ مل کر منی لانڈرنگ میں ملوث رہا۔ مزید یہ کہ ملزم نے منشیات کی خرید و فروخت کا دھندہ بھی شروع کیا، جس میں ڈارک ویب اور کرپٹو کرنسی کا استعمال کیا جاتا تھا۔