پاک بھارت کشیدگی: انٹرمیڈیٹ امتحانات ملتوی

راولپنڈی: پاک بھارت کشیدگی کے پیشِ نظر راولپنڈی بورڈ کے تحت آج ہونے والے انٹرمیڈیٹ اور میٹرک امتحانات عارضی طور پر ملتوی کر دیے گئے ہیں۔

کنٹرولر امتحانات تنویر اصغر کے مطابق نئی تاریخوں کا اعلان جلد کیا جائے گا۔ طلبا کو ہدایت کی گئی ہے کہ وہ امتحانی مراکز نہ جائیں اور معلومات کے لیے بورڈ کی ویب سائٹ یا معتبر ذرائع سے رابطے میں رہیں۔ والدین اور اساتذہ سے اپیل کی گئی ہے کہ وہ یہ اطلاع فوری طلبا تک پہنچائیں۔

ادھر محکمہ داخلہ پنجاب کے ہنگامی اجلاس میں فیصلہ کیا گیا ہے کہ صوبے بھر میں تمام تعلیمی ادارے بند رہیں گے اور سیکیورٹی اداروں کو ہائی الرٹ کر دیا گیا ہے۔ اہم تنصیبات کی حفاظت، اور طبی و قانون نافذ کرنے والے عملے کو فوری ڈیوٹی پر طلب کر لیا گیا ہے۔