چین میں پہلا روبو فٹبال ٹورنامنٹ، اے آئی روبوٹس نے میدان میں دھوم مچادی

بیجنگ: چین میں مصنوعی ذہانت کے شعبے میں ایک اہم پیش رفت سامنے آئی ہے، جہاں پہلی بار روبو لیگ فٹبال ٹورنامنٹ کا انعقاد کیا گیا۔ اس منفرد مقابلے میں تین تین روبوٹس پر مشتمل ٹیموں نے ایک دوسرے کے خلاف میچ کھیلے، جنہیں دیکھنے کے لیے ہزاروں شائقین اسٹیڈیم میں موجود تھے۔

ٹورنامنٹ بیجنگ میں منعقد ہوا، جہاں میدان میں اترنے والے تمام روبوٹس مکمل طور پر خودکار اور اے آئی سے لیس تھے۔ شائقین نے روبوٹس کی جانب سے تیار کی گئی حکمت عملیوں کو عملی طور پر گول میں بدلتے دیکھا، جو جدید ٹیکنالوجی کا ایک شاندار مظاہرہ تھا۔

اس موقع پر ڈو جِنگ، جو ٹورنامنٹ کی انتظامی کمیٹی کے ایگزیکٹو ڈائریکٹر اور شینگی چینگ ٹیکنالوجی کے ڈپٹی جنرل منیجر ہیں، نے کہا کہ:

"یہ چین میں پہلا موقع ہے کہ مکمل طور پر خودکار اے آئی روبوٹس کا فٹبال میچ منعقد ہوا۔ یہ نہ صرف تکنیکی اختراع کا اظہار ہے بلکہ صنعتی میدان میں اس کے ممکنہ استعمال کو بھی اجاگر کرتا ہے۔ یہ اقدام روبوٹس کو حقیقی زندگی کی صورتحال میں لانے کے سفر کا ایک نیا باب ہے۔”

ٹورنامنٹ کے فائنل میں سنگھوا یونیورسٹی کی ٹی ایچ یو روبوٹکس ٹیم نے چائنا ایگریکلچرل یونیورسٹی کی ماؤنٹین سی ٹیم کو دلچسپ مقابلے کے بعد 3-5 سے شکست دی، اور ٹورنامنٹ کی فاتح قرار پائی۔

View this post on Instagram

A post shared by 365 News (@365.newspk)