پولیس اہلکاروں سے بدتمیزی کرنے والا ایف بی آر افسر معطل، فیصل واوڈا کا چیئرمین کو خراجِ تحسین

پولیس اہلکاروں سے بدسلوکی کرنے والے ایف بی آر افسر کو معطل کر دیا گیا۔ یہ اقدام سینیٹر فیصل واوڈا کی جانب سے معاملہ اٹھانے کے بعد چیئرمین ایف بی آر راشد لنگڑیال کی ہدایت پر کیا گیا۔

فیصل واوڈا نے سوشل میڈیا پلیٹ فارم ‘ایکس’ پر چیئرمین کو سراہتے ہوئے کہا کہ ویل ڈن چیئرمین ایف بی آر، برطرفی کی کارروائی آپ کی نیک نیتی کا اظہار ہے۔

ویلڈن چئیرمین ایف بی آر

مذکورہ FBR کے افسر کو بروقت معطل کر کے نوکری سے برطرفی کی کاروائی کا آغاز آپ کی پاکستان کیلئے نیک نیتی کا اظہار ہے۔ ہمیں عوام کی خدمت کرنی ہے بدمعاشی نہیں۔ FBR چئیرمین صاحب آپ ملک کیلئے بہت جلد ہی اچھے اقدام کرنا چاہتے ہیں لیکن جب نظام کا آوے کا آوا بگڑا…

— Faisal Vawda (@FaisalVawdaPTI) July 26, 2025

انہوں نے مزید کہا کہ ہمیں عوام کی خدمت کرنی ہے، بدمعاشی نہیں۔ چیئرمین ایف بی آر اصلاحات چاہتے ہیں، وقت ضرور لگے گا مگر نتائج آئیں گے۔ کاروباری طبقے سے عزت سے بات کی جائے تو وہ ملک کیلئے سب کچھ کرنے کو تیار ہیں، یہ ہمارا سرمایہ ہیں۔

واوڈا نے یقین دہانی کرائی کہ مثبت اقدامات میں وہ چیئرمین ایف بی آر کے ساتھ کھڑے ہیں۔