آئی سی سی ویمنز ورلڈکپ کوالیفائر کے آخری میچ میں پاکستان نے بنگلادیش کو شکست دیدی

لاہور: پاکستان ویمن کرکٹ ٹیم نے آئی سی سی ویمنز ورلڈکپ کوالیفائر کے آخری میچ میں بنگلادیش کو 7 وکٹوں سے شکست دیدی۔

بنگلادیش ویمن ٹیم نے پہلے بیٹنگ کرتے ہوئے 50 اوورز میں 9 وکٹوں پر 178 رنز بنائے، ریتو مونی 48 اور فہیمہ خاتون 44 رنز کے ساتھ نمایاں رہیں۔ پاکستان کی جانب سے سعدیہ اقبال نے 3، جبکہ فاطمہ ثناء اور ڈیانا بیگ نے 2،2 وکٹیں حاصل کیں۔

پاکستان نے ہدف 40 ویں اوور میں مکمل کر لیا۔ منیبہ علی 69 رنز کے ساتھ نمایاں بیٹر رہیں جبکہ عالیہ ریاض 52 رنز پر ناٹ آؤٹ رہیں۔

پاکستان ویمن ٹیم نے کوالیفائر میں اپنے تمام پانچ میچز جیت کر ناقابل شکست رہتے ہوئے ورلڈکپ 2025 کے لیے کوالیفائی کرلیا ہے، جو رواں سال بھارت میں کھیلا جائے گا۔