فلم ’نادانیاں‘ پر منفی جائزہ، ابراہیم نے پاکستانی نقاد کو دھمکی دیدی

بھارت کے معروف اداکار سیف علی خان کے بیٹے ابراہیم علی خان نے پاکستانی نقاد تیمور اقبال کے منفی جائزے پر اُن کو بدصورت بنانے کی دھمکی دے دی۔

ابراہیم نے اپنی فلم نادانیاں سے اداکاری کا آغاز کیا، جس میں ان کے ساتھ خوشی کپور نے بھی کام کیا۔ سیف کے بیٹے فلم میں اپنی پرفارمنس پر نیٹیزنز کی تنقید کا سامنا کر رہے ہیں۔ ایک پاکستانی فلم نقاد، تیمور اقبال، نے اپنے سوشل میڈیا اکاؤنٹ پر دعویٰ کیا کہ ابراہیم نے ان کی سخت تنقید پر ردعمل ظاہر کیا ہے۔

تیمور اقبال نے انسٹاگرام پر ابراہیم کے ساتھ کی چیٹ کا اسکرین شاٹ شیئر کیا، جس میں ابراہیم نے انہیں "بدصورت” کہہ کر شدید الفاظ میں جواب دیا۔ اس پیغام میں ابراہیم نے کہا کہ تیمور، تم میرے بھائی کے ہم نام ہو، مگر تمہارا چہرہ وہ نہیں ہے۔ تم ایک گندی مخلوق ہو، اور اگر تم سڑکوں پر کہیں ملے، تو میں تمہیں مزید بدصورت بنا دوں گا۔

تیمور نے اس پیغام کا نہایت پرسکون جواب دیا کہ وہ ابراہیم کے والد کے بڑے مداح ہیں۔ "وہی انسان میں فلم میں دیکھنا چاہتا تھا۔

یہ واقعہ سوشل میڈیا پر کافی زیر بحث ہے اور ابراہیم کی جانب سے اس طرح کی زبان کے استعمال پر تنقید ہو رہی ہے۔