5 فلموں کا بزنس 2200 کروڑ، بالی وڈ اداکار جس نے کمائی میں بڑے بڑوں کو پیچھے چھوڑدیا

بھارتی اداکار جعفر صادق، جن کا قد صرف 4 فٹ 8 انچ ہے، مختصر مگر کامیاب فلمی کیریئر کے دوران بڑے سپر اسٹارز کو کمائی کے معاملے میں پیچھے چھوڑ چکے ہیں۔

صرف 5 سال میں جعفر صادق کی 5 فلمیں مجموعی طور پر 2200 کروڑ روپے کا بزنس کر چکی ہیں۔ جعفر صادق نے بطور ڈانسر کیریئر کا آغاز کیا، اور پھر کمل ہاسن کی فلم وکرم (414 کروڑ)، رجنی کانت کی جیلر (650 کروڑ) اور شاہ رخ خان کی جوان (1150 کروڑ) جیسی بلاک بسٹر فلموں میں کام کیا۔ ان کی آخری فلم بے بی جون تھی۔

دلچسپ بات یہ ہے کہ جعفر صادق نے زیادہ تر فلموں میں مختصر یا منفی کردار نبھائے، لیکن فلمیں بزنس کے لحاظ سے سپر ہٹ ثابت ہوئیں۔ اس عرصے میں پربھاس، رجنی کانت، سنی دیول اور رنبیر کپور جیسے سپر اسٹارز کی فلمیں بھی اتنا بزنس نہ کر سکیں۔

تاہم، 2023 میں شاہ رخ خان اب بھی سب سے آگے رہے جن کی تین فلموں کا مجموعی بزنس 2600 کروڑ روپے رہا۔