اردو ادب کا ستارہ: محسن نقوی کی 29ویں برسی

آج معروف اردو شاعر محسن نقوی کی 29ویں برسی منائی جا رہی ہے۔ محسن نقوی 5 مئی 1947 کو ڈیرہ غازی خان میں پیدا ہوئے۔ ان کا اصل نام غلام عباس تھا، جو بعد میں انہوں نے غلام عباس محسن نقوی رکھ لیا۔

محسن نقوی نے اردو ادب، خاص طور پر غزل کے میدان میں ناقابل فراموش خدمات انجام دیں۔ ان کی نمایاں تخلیقات میں "عذابِ دید”، "خیمۂ جاں”، اور "برگِ صحرا” شامل ہیں، جو اردو ادب کے شاہکار مانے جاتے ہیں۔

ادبی دنیا میں ان کی خدمات کو سراہتے ہوئے انہیں کئی اہم ایوارڈز سے نوازا گیا۔ انہوں نے اردو فلموں کے لیے بھی یادگار خدمات انجام دیں۔

محسن نقوی 15 جنوری 1996 کو لاہور میں وفات پا گئے، لیکن ان کی شاعری آج بھی ان کے چاہنے والوں کے دلوں میں زندہ ہے۔ ان کی تخلیقات نے اردو ادب کو ایک نیا رخ دیا اور ان کی غزلیں آج بھی قارئین کو مسحور کر دیتی ہیں۔