اسلام آباد یونائیٹڈ نے پشاور زلمی کو جیت کیلئے 144 رنز کا ہدف دیدیا

لاہور: پاکستان سپر لیگ (پی ایس ایل) 10 کے 22 ویں میچ میں اسلام آباد یونائیٹڈ نے پشاور زلمی کو جیت کیلئے 144 رنز کا ہدف دے دیا۔

اسلام آباد یونائیٹڈ نے پشاور زلمی کے خلاف ٹاس جیت کر پہلے بیٹنگ کرتے ہوئے مقرر 20 اوورز میں 9 وکٹوں کے نقصان پر 143 رنز بنائے۔ اسلام آباد کی جانب سے فرحان علی آغا 36 رنز بنا کر نمایاں رہے۔ پشاور زلمی کی طرف سے محمد علی نے تین وکٹیں لیں۔

اسلام آباد یونائیٹڈ کی پلیئنگ الیون میں کولن منرو، کائل مائرز، سعد مسعود اور رائلی میری ڈتھ کو شامل کیا گیا ہے، جبکہ جیسن ہولڈر، حنین شاہ، حیدر علی اور آندریز گھاؤس باہر ہو گئے ہیں۔

پشاور زلمی کی ٹیم میں معاذ صداقت، احمد دانیال، محمد علی اور میکس برائنٹ کو شامل کیا گیا ہے۔