اماراتی وفد کی آرمی چیف سے ملاقات، والدہ کے انتقال پر اظہار تعزیت کیا

آرمی چیف جنرل عاصم منیر سے متحدہ عرب امارات (یو اے ای) کے اعلیٰ سطحی وفد نے ملاقات کی اور ان کی والدہ کے انتقال پر اظہار تعزیت کیا اور ان کے درجات کی بلندی کے لیے دعا کی۔

وفد متحدہ عرب امارات کے صدر شیخ محمد بن زید النہیان کی ہدایت پر پاکستان پہنچا۔

شیخ نہیان بن مبارک کی قیادت میں وفد میں متحدہ عرب امارات کے وزیر مملکت برائے امور خارجہ بھی شامل تھے۔ ملاقات کے دوران شیخ نہیان نے جنرل عاصم منیر سے شیخ محمد بن زاید کی جانب سے دلی تعزیت کا اظہار کیا۔

متحدہ عرب امارات کے وفد نے آرمی چیف کی مرحومہ کی والدہ کے ایصال ثواب اور بلندی درجات کے لیے دعا بھی کی۔