ایران اسرائیل کشیدگی میں شدت: اسرائیلی ایئرلائن نے تمام طیارے ملک سے باہر منتقل کر دیے

ایران اور اسرائیل کے درمیان بڑھتی ہوئی فوجی کشیدگی کے پیش نظر اسرائیل کی معروف ایئرلائن آرکیا  نے اعلان کیا ہے کہ اس نے اپنے تمام مسافر طیارے اسرائیل سے باہر منتقل کر دیے ہیں۔ ایئرلائن کے ترجمان کے مطابق، یہ اقدام ایران کی ممکنہ جوابی کارروائی کے خدشے کے پیش نظر احتیاطی طور پر کیا گیا ہے۔

یہ فیصلہ ایسے وقت میں سامنے آیا ہے جب ایران نے اسرائیل پر 100 سے زائد ڈرونز سے حملہ کیا۔ ان ڈرونز میں شہید 136 شامل ہیں، جن کی رینج تقریباً 2500 کلومیٹر اور رفتار 185 کلومیٹر فی گھنٹہ ہے۔ یہ ڈرونز کم لاگت اور سادہ ڈیزائن کے باوجود طویل فاصلے تک مار کرنے کی صلاحیت رکھتے ہیں۔

اسرائیلی فوجی ترجمان نے کہا ہے کہ ملک کا دفاعی نظام ایرانی ڈرونز کو کامیابی سے روک رہا ہے اور اسرائیل ایران کے خلاف اپنے فضائی حملے جاری رکھے گا۔ ان کا مزید کہنا تھا، "ہم ہر خطرے کا مؤثر جواب دے رہے ہیں اور کارروائیاں جاری رہیں گی۔”