ایران نے امریکا سے جوہری مذاکرات کو بے معنی قرار دیدیا

ایران نے امریکا پر دوغلی پالیسی کا الزام لگاتے ہوئے کہا ہے کہ اسرائیلی حملوں کی اجازت کے باوجود بات چیت کا دعویٰ قبول نہیں۔

ایرانی وزارت خارجہ کے ترجمان اسماعیل بقائی نے کہا کہ امریکا اسرائیلی حملوں میں شریک ہے اور جوہری مذاکرات کی بحالی کا فیصلہ کل ہوگا۔

وزیر خارجہ سید عباس عراقچی نے بھی کہا کہ اسرائیل کے "وحشیانہ رویے” کے باعث بالواسطہ مذاکرات کا کوئی جواز باقی نہیں۔

واضح رہے کہ جوہری مذاکرات اتوار کو عمان میں ہونا تھے۔

دوسری جانب امریکی صدر ڈونلڈ ٹرمپ نے کہا ہے کہ ایران اب بھی معاہدہ کر سکتا ہے اور اسرائیلی حملے علاقائی جنگ کا باعث نہیں بنیں گے۔