ایپل کا آئی فون لانچنگ کا طریقہ بدلنے کا فیصلہ

امریکی ٹیکنالوجی کمپنی ایپل نے 2026 سے آئی فون متعارف کرانے کے روایتی انداز کو تبدیل کرنے کا فیصلہ کیا ہے۔

رپورٹ کے مطابق اب آئی فون 18 سیریز کو دو مراحل میں لانچ کیا جائے گا، جن کے درمیان 6 ماہ کا وقفہ ہوگا۔ پہلے مرحلے میں آئی فون 18 پرو ماڈلز ستمبر 2026 میں، جبکہ سستے ماڈلز 2027 کی بہار میں پیش کیے جائیں گے۔ اس کے ساتھ ہی امکان ہے کہ ایپل 2026 میں اپنا پہلا فولڈ ایبل آئی فون بھی متعارف کرائے۔

رواں سال کمپنی آئی فون 17 ایئر — اب تک کا سب سے پتلا ماڈل — بھی لانچ کرے گی، جس کا نیا ورژن 2026 میں دوبارہ پیش کیے جانے کا امکان ہے۔

ایپل سستے ماڈلز کی تیاری بھارت منتقل کرنے پر بھی غور کر رہی ہے تاکہ چین پر انحصار کم کیا جا سکے اور امریکی ٹیرف کے اثرات سے بچا جا سکے۔