پاکستانی باکسر شہیر آفریدی نے بھارتی حریف کو ناک آؤٹ کر دیا

تھائی لینڈ میں ہونے والی بین الاقوامی رینکنگ فائٹ میں پاکستان کے شہیر آفریدی نے شاندار کارکردگی کا مظاہرہ کرتے ہوئے بھارتی باکسر ترجوت سنگھ باوا کو چوتھے راؤنڈ میں شکست دے دی۔

مقابلے کے تیسرے راؤنڈ میں ہی بھارتی باکسر لڑکھڑانے لگے، اور چوتھے راؤنڈ میں شہیر آفریدی کے تابڑ توڑ مکوں کے سامنے بے بس ہو گئے، جس کے بعد ریفری نے فائٹ روک دی اور پاکستانی باکسر کو فاتح قرار دے دیا۔

یہ فتح نہ صرف شہیر آفریدی کے کیریئر میں اہم سنگِ میل ہے بلکہ پاک بھارت کھیلوں کی روایت میں ایک اور یادگار لمحہ بھی بن گئی ہے۔