پی ایس ایل براڈکاسٹ ٹیم کے بھارتی ارکان پاکستان سے نکال دیے گئے

لاہور: پاکستان سپر لیگ (پی ایس ایل) کی براڈکاسٹنگ ٹیم میں شامل 23 بھارتی شہریوں کو ملک چھوڑنے کا حکم دے کر واہگہ بارڈر کے ذریعے واپس بھارت بھیج دیا گیا۔

تفصیلات کے مطابق پاکستان اور بھارت کے درمیان حالیہ کشیدگی کے بعد دونوں ممالک نے ایک دوسرے کے شہریوں کو 48 گھنٹے میں ملک چھوڑنے کی ہدایت جاری کی تھی، جس پر عمل درآمد شروع ہو چکا ہے۔

بھارتی براڈکاسٹ عملہ پی ایس ایل 10 کے دوران تکنیکی ذمہ داریاں انجام دے رہا تھا۔ پولیس کے مطابق تمام افراد کو باحفاظت بھارت روانہ کر دیا گیا ہے۔

یہ پیش رفت 22 اپریل کو مقبوضہ کشمیر کے علاقے پہلگام میں ہونے والے حملے کے بعد سامنے آئی، جس میں بھارتی سیاح ہلاک ہوئے تھے اور بھارت نے بلا ثبوت الزامات پاکستان پر عائد کیے تھے۔ پاکستان نے ان الزامات کو مسترد کرتے ہوئے جوابی اقدامات کیے۔