برطانیہ کا بعض ممالک کے شہریوں کے ویزے محدود کرنے پر غور، پاکستان بھی ان ممالک میں شامل ہوگا؟

لندن: برطانوی حکومت ان ممالک کے شہریوں پر ویزا پابندیاں عائد کرنے پر غور کر رہی ہے جن کے افراد کام یا تعلیم کے ویزے پر آ کر بعد میں سیاسی پناہ کی درخواست دے دیتے ہیں۔

برطانوی ہوم آفس کے مطابق گزشتہ سال 1 لاکھ 8 ہزار سے زائد افراد نے سیاسی پناہ کی درخواست دی، جن میں پاکستانی شہری سرفہرست رہے۔ مجموعی طور پر 10,542 پاکستانیوں نے پناہ کی درخواستیں دیں، جبکہ سری لنکا (2,862) اور نائجیریا (2,841) دوسرے اور تیسرے نمبر پر رہے۔

میڈیا رپورٹس کے مطابق نئی پالیسی سے پاکستان، سری لنکا اور نائجیریا کے شہریوں کیلئے برطانیہ آنا مشکل ہو سکتا ہے۔

دوسری جانب، ماہرین کا کہنا ہے کہ صرف ویزا محدود کرنے سے پناہ گزین درخواستوں میں نمایاں کمی نہیں آئے گی۔