بنگلا دیش کیخلاف ٹی 20 سیریز کیلئے قومی اسکواڈ کا اعلان کر دیا گیا

پاکستان کرکٹ ٹیم جولائی میں بنگلا دیش کے خلاف تین ٹی 20 میچوں کی سیریز کھیلے گی، جس کے لیے 20 رکنی اسکواڈ کا انتخاب کر لیا گیا ہے۔

ذرائع کے مطابق نائب کپتان شاداب خان کندھے کی انجری کے باعث اسکواڈ سے باہر ہیں۔ ٹیم کا انتخاب کپتان سلمان علی آغا اور ہیڈ کوچ مائیک ہیسن کی مشاورت سے کیا گیا، جس میں نوجوان کھلاڑیوں کو ترجیح دی گئی ہے۔

سیریز 20 جولائی سے شروع ہوگی، دیگر میچز 22 اور 24 جولائی کو ہوں گے۔ قومی ٹیم 16 جولائی کو بنگلا دیش روانہ ہوگی، جبکہ تربیتی کیمپ 7 جولائی سے لگے گا۔ ہیڈ کوچ مائیک ہیسن 6 جولائی کو پاکستان پہنچیں گے۔