بھارتی جاسوس طیارہ پاکستانی حدود کے قریب—پاک بحریہ کی فوری کارروائی

پاکستان نیوی نے قومی سمندری حدود کے قریب بھارتی نیوی کے ایک جدید جاسوس طیارے P-8I کی موجودگی کا بروقت اور مؤثر انداز میں سراغ لگا کر عمدہ نگرانی کی صلاحیت کا مظاہرہ کیا ہے۔

یہ واقعہ 4 اور 5 مئی کی درمیانی شب پیش آیا، جب بھارتی بحریہ کا یہ جدید ری کونیسینس (جاسوس) طیارہ بین الاقوامی فضائی حدود میں پرواز کر رہا تھا، تاہم پاکستانی سمندری حدود کے قریب آ چکا تھا۔

پاکستان نیوی نے صورت حال کا فوری نوٹس لیتے ہوئے صورتحال پر قریبی نگرانی قائم کی تاکہ کسی بھی ممکنہ خطرے سے ملک کی سمندری سلامتی کا تحفظ یقینی بنایا جا سکے۔

ترجمان کے مطابق، پاکستان نیوی ہر لمحہ تیار ہے اور ملکی خودمختاری کے تحفظ کے لیے ہر ممکن اقدامات بروقت کیے جائیں گے۔