بھارتی فوجی جنگی جنون میں پاگال! اپنے ہی شہریوں کو کچل دیا

پاک-بھارت کشیدگی میں اضافے کے باعث پیش آنے والے ایک افسوسناک واقعے میں بھارتی فوجی قافلے کی ٹکر سے چھ سکھ شہری، جن میں خواتین اور بچے بھی شامل تھے، جاں بحق ہو گئے۔

ذرائع کے مطابق یہ قافلہ حالیہ سرحدی کشیدگی کے جواب میں پاکستان کی جانب ایک بڑی فوجی نقل و حرکت کا حصہ تھا۔ یہ مہلک حادثہ اسی نقل و حرکت کے دوران پیش آیا، جس میں معصوم جانیں ضائع ہو گئیں۔

ابتدائی تحقیقات سے انکشاف ہوا ہے کہ فوجی گاڑی کا ڈرائیور حادثے کے وقت منشیات یا شراب کے زیرِ اثر تھا، جس پر بھارتی مسلح افواج کے نظم و ضبط اور احتساب پر سنگین سوالات اٹھائے جا رہے ہیں۔

یہ سانحہ ایسے وقت میں پیش آیا ہے جب بھارت پاکستان کی سرحد کے قریب اپنی فوجی تیاریوں میں تیزی لا رہا ہے، جس سے نہ صرف علاقائی کشیدگی میں اضافہ ہو رہا ہے بلکہ اندرونِ ملک بھی بے چینی اور اضطراب کی فضا پیدا ہو گئی ہے۔