بھارت کا پاکستان پر حملوں کا الزام، آئی پی ایل میچ کینسل کر دیا گیا

مودی سرکار نے پاکستان پر راجستان، پٹھان کوٹ اور مقبوضہ کشمیر پر حملوں کا الزام لگا کر دھرم شالا اسٹیڈیم میں جاری انڈین پریمیر لیگ (آئی پی ایل) کا میچ کینسل کر دیا ہے۔

مکار بھارت نے میچ کے دوران پاکستان پر حملے کا الزام لگا کہ اسٹیڈیم کی لائٹس بند کر دیں اور سکرین پر پاکستان کے حملے کی خبر چلائی جس کے بعد کھلاڑی اور امپائر گراونڈ سے بھاگ گئے۔

خیال رہے کہ اسی میچ سے قبل آئی پی ایل انتظامیہ نے پاکستان کے خلاف حملے کرنے پر بھارتی فوج کو خراج تحسین پیش کیا تھا۔

واضح رہے کہ امرتسر میں بھارت نے خود روجیکٹائل چلا کر سکھوں کو پاکستان کیخلاف کرنے کی کوشش کی۔ مقبوضہ جموں و کشمیر میں ڈرامہ رچا کر بھارت کشمیری مسلمانوں کو پاکستان کیخلاف کرنا چاہتا ہے۔

پاکستانی سیکیورٹی ذرائع کے مطابق بھارتی میڈیا پر مقبوضہ جموں و کشمیر پر حملے کی خبریں سفید جھوٹ ہیں۔ جھوٹی خبروں کا مقصد تاثر دینا ہے جیسے پاکستان نے مقبوضہ جموں و کشمیر پر حملہ کر دیا ہے۔

حیران کن طور پر پہلے بلیک آؤٹ پھر سائرن بجائے گئے اور پھر ڈرونز گرانے کا پروپیگنڈا کیا گیا۔ گودی میڈیا کا استعمال کر کے بھارتی حکومت پاکستان مخالف پروپیگنڈے میں مصروف ہے۔