بیرون ملک رجب بٹ کا اپنے اوپر حملہ ہونے کا دعویٰ

لندن – برطانیہ میں مقیم پاکستانی یوٹیوبر اور ٹک ٹاکر رجب بٹ نے دعویٰ کیا ہے کہ ان پر لندن میں ایک "سنگین” حملہ ہوا ہے۔

رجب بٹ نے سوشل میڈیا پر ایک مختصر ویڈیو شیئر کی جس میں ایک گاڑی کے ٹوٹے ہوئے شیشے دکھائے گئے ہیں۔ ویڈیو میں وہ گاڑی کا دروازہ کھولتے ہوئے "اللہ اکبر” کہتے سنائی دیتے ہیں، تاہم ان کا چہرہ واضح طور پر نظر نہیں آتا۔

بعد ازاں رجب بٹ نے ایک اور ویڈیو جاری کی جس میں انہوں نے واقعے کی تصدیق کرتے ہوئے کہا:
"لوگ بار بار پوچھ رہے ہیں، میں سب کو جواب نہیں دے سکتا، اس لیے واضح کرنا چاہتا ہوں کہ مجھ پر حملہ ہوا ہے۔ یہ کوئی مذاق یا ڈرامہ نہیں، بلکہ حقیقت ہے۔”

انہوں نے واقعے کو شدید نوعیت کا قرار دیا، لیکن ساتھ ہی اللہ کا شکر ادا کیا کہ وہ کسی بڑے نقصان سے محفوظ رہے۔