حکومت کا دو روزہ تعطیل کا اعلان

سندھ حکومت نے ایسٹر کی تقریبات کے سلسلے میں 20 اور 21 اپریل 2025 کو دو روزہ تعطیل کا اعلان کر دیا۔

سروسز، جنرل ایڈمنسٹریشن و کوآرڈینیشن ڈیپارٹمنٹ کی جانب سے باضابطہ نوٹیفکیشن جاری کیا گیا ہے۔ مسیحی سرکاری ملازمین کو ایسٹر سے قبل تنخواہیں پیشگی ادا کرنے کی ہدایت بھی جاری کی گئی ہے، تاکہ وہ تقریبات کی تیاری بہتر انداز میں کر سکیں۔

مسیحی برادری نے اس فیصلے کا خیر مقدم کیا ہے، جبکہ سندھ اسمبلی کے ڈپٹی اسپیکر انتھونی نوید نے اس اقدام کو بین المذاہب ہم آہنگی کی مثال قرار دیا۔