حرا مانی کی ہمشکل برطانوی انفلوئنسر ڈاکٹر اقدس کی ویڈیو سوشل میڈیا پر وائرل

سوشل میڈیا پر اس وقت ہلچل مچ گئی جب صارفین نے برطانیہ میں مقیم پاکستانی نژاد انفلوئنسر ڈاکٹر اقدس کو دیکھا، جو معروف اداکارہ حرا مانی کی ہو بہو ہم شکل نظر آتی ہیں۔

ڈاکٹر اقدس انسٹاگرام پر والدین کے لیے مثبت اور مددگار مشورے شیئر کرتی ہیں، اور ان کا انداز اور چہرہ اس قدر حرا مانی سے ملتا جلتا ہے کہ صارفین حیران رہ گئے۔ صرف شکل ہی نہیں بلکہ ان کی بولنے کا انداز اور آواز بھی حرا مانی جیسی لگتی ہے۔

ایک صارف نے پوچھا: "کیا آپ حرا مانی ہیں؟” جبکہ دوسرے نے لکھا: "آپ کی آواز بھی بالکل حرا جیسی ہے!” حتیٰ کہ کسی نے انہیں "حرا مانی کا بہتر ورژن” بھی کہہ دیا۔