پاکستانی اداکار اور میزبان سلمان ثاقب شیخ المعروف مانی نے کہا ہے کہ لوگ انہیں "زن مرید” کہتے ہیں کیونکہ وہ اپنی اہلیہ حرا مانی کا ساتھ دیتے ہیں، لیکن ان کے نزدیک اس میں کوئی برائی نہیں۔
پوڈکاسٹ میں بات کرتے ہوئے مانی نے کہا، "اگر میری بیٹی ہوتی تو میں چاہتا کہ وہ خودمختار ہو اور اپنے پیروں پر کھڑی ہو۔”
انہوں نے کہا کہ جن معاشروں میں عورتیں مردوں کے ساتھ مل کر کام کرتی ہیں وہاں امن اور خوشحالی ہوتی ہے، اور مالی مسائل کم ہوتے ہیں۔ مانی نے برصغیر کے روایتی خاندانی نظام پر بھی تنقید کی، جس میں سب کو زبردستی ساتھ رہنے پر مجبور کیا جاتا ہے۔
مانی نے بتایا کہ ان کے والد خود اداکار تھے اور اپنی بیٹی کو بھی اداکارہ بنانا چاہتے تھے۔ وہ کہتے ہیں کہ اگر خاندان کی کسی لڑکی میں ٹیلنٹ ہے تو اسے آگے آنے کا موقع ملنا چاہیے۔
انہوں نے کہا، "یہ ویسٹرن بننے کی بات نہیں، یہ انصاف کی بات ہے۔”
