راولپنڈی کرکٹ سٹیڈیم کے قریب ڈرون حملہ

راولپنڈی: پاک فوج نے راولپنڈی کرکٹ اسٹیڈیم کی فوڈ اسٹریٹ کے قریب ایک اور بھارتی ڈرون مار گرایا ہے، جس کے بعد علاقے میں سیکیورٹی سخت کر دی گئی ہے۔

ذرائع کے مطابق سیکیورٹی فورسز نے ڈرون گرانے کے فوری بعد جائے وقوعہ کو گھیرے میں لے لیا اور قناعتیں لگا دی گئیں تاکہ عوام کو محفوظ رکھا جا سکے۔ بم ڈسپوزل اسکواڈ اور دیگر سیکیورٹی ادارے موقع پر موجود ہیں اور علاقے کی مکمل تلاشی جاری ہے۔

احتیاطی تدابیر کے طور پر کرکٹ اسٹیڈیم کے تمام داخلی و خارجی راستے عارضی طور پر بند کر دیے گئے ہیں۔ واضح رہے کہ آج شام 8 بجے پشاور زلمی اور کراچی کنگز کے درمیان میچ شیڈول ہے، جس کے باعث اسٹیڈیم اور اطراف کے علاقوں میں پہلے ہی سیکیورٹی ہائی الرٹ تھی۔