رمضان المبارک میں مزید بارشوں کی پیشگوئی!

لاہور: پی ڈی ایم اے پنجاب نے رمضان المبارک میں مزید بارشوں بارے الرٹ جاری کردیا۔

ترجمان پی ڈی ایم اے کا کہنا ہے کہ رمضان المبارک میں 9 سے 16 مارچ کے دوران صوبے کے بیشتر اضلاع میں بارشیں ہوں گی۔ مری ،گلیات سمیت دیگر پہاڑی علاقوں میں بارش اور برفباری کی پیشگوئی ہے۔

ڈی جی پی ڈی ایم اے عرفان علی کاٹھیا کی کمشنرز و ڈپٹی کمشنر کو الرٹ رہنے کی ہدایت۔ واسا، ریسکیو، محکمہ آبپاشی، لائیو سٹاک اور دیگر متعلقہ محکموں کو الرٹ جاری کردیا گیا ہے۔

ڈی جی پی ڈی ایم اے کے مطابق راولپنڈی، جہلم، اٹک، چکوال، سرگودھا، میانوالی، خوشاب اور منڈی بہاوالدین میں بھی بارشوں کی پیشگوئی ہے۔ لاہور، شیخوپورہ، حافظ آباد ، گجرانوالہ، گجرات، سیالکوٹ، نارووال، فیصل آباد اور ٹوبہ ٹیک سنگھ میں بھی بارشوں کا امکان ہے۔ ملتان، ڈیرہ غازی خان، راجن پور، اوکاڑہ، بہاولنگر، بہاولپور، خانیوال، لیہ، بھکر، کوٹ ادو، رحیم یار خان، ساہیوال اور پاکپتن میں بھی بادل برسیں گے۔

ڈی جی پی ڈی ایم اے نے کہا کہ شہریوں سے گزارش ہے کہ خراب موسم کی صورتحال میں غیر ضروری سفر سے گریز کریں۔ ایمرجنسی صورتحال میں پی ڈی ایم اے ہیلپ لائن 1129 پر کال کریں۔