رواں سال کا پہلا مکمل چاند گرہن کب ہوگا؟ اور کن ممالک میں دیکھا جائے گا؟

پاکستان کے محکمہ موسمیات (پی ایم ڈی) کے مطابق، سال کا پہلا مکمل چاند گرہن 14 مارچ کو ہوگا، تاہم یہ فلکیاتی واقعہ پاکستان میں نہیں دیکھا جا سکے گا۔

پی ایم ڈی کے مطابق، چاند گرہن پاکستانی وقت کے مطابق صبح 8:57 پر شروع ہوگا اور مکمل گرہن دوپہر 11:26 پر ہوگا۔ یہ واقعہ دوپہر 11:59 پر اپنے عروج پر پہنچے گا اور اس کے بعد 3:00 بجے تک ختم ہو جائے گا۔

یہ مکمل چاند گرہن یورپ، مختلف ایشیائی ممالک، آسٹریلیا، افریقہ، اور شمالی و جنوبی امریکہ میں دیکھا جا سکے گا۔

اس مکمل چاند گرہن کے دوران 2025 کا تیسرا پورا چاند، جو "ورم مون” کہلاتا ہے، بھی ہوگا۔ بی بی سی کے مطابق، چاند کے مختلف خاص نام قدرتی تبدیلیوں کی نشاندہی کرتے ہیں۔ ورم مون، جو مارچ میں آتا ہے، گرم موسم کے آغاز کا اشارہ دیتا ہے کیونکہ سردیوں کے بعد مٹی کے کیڑے زمین سے باہر آنا شروع ہو جاتے ہیں۔

اس کے علاوہ، مکمل چاند گرہن کے دوران چاند کا رنگ سرخ ہو جاتا ہے، جسے ‘بلڈ مون’ بھی کہا جاتا ہے۔