اڈیالہ جیل کے باہر سے گرفتار عمران خان کی بہنیں اور دیگر رہنما رہا

راولپنڈی: پولیس نے اڈیالہ جیل کے باہر سے گرفتار کی گئی بانی پی ٹی آئی عمران خان کی تینوں بہنوں سمیت تمام رہنماوں کو رہا کر دیا۔

ذرائع کے مطابق پولیس کا کہنا ہے کہ اب کوئی پی ٹی آئی رہنما ان کی تحویل میں نہیں، علیمہ خان، نورین خانم، عظمیٰ خانم اور دیگر کو چکری انٹرچینج کے قریب ہوٹل میں چھوڑ دیا گیا ہے۔

قبل ازیں پولیس نے اڈیالہ جیل کے قریب ورانٹ دکھا کر علیمہ خانم، نورین خانم، عظمیٰ خانم، صاحبزادہ حامد رضا، عمر ایوب، احمد بھچر اور قاسم نیازی کو حراست میں لیا تھا۔ گرفتاری سے پہلے پولیس اور پی ٹی آئی رہنماؤں کے درمیان تلخ کلامی بھی ہوئی۔

واضح رہے کہ زرتاج گل، سیمابیہ طاہر اور تابش فاروق کو حراست میں نہیں لیا گیا، جبکہ اس موقع پر کارکنوں نے شدید نعرے بازی کی۔