عوامی سہولت کیلئے محکمہ ریلوے کا بڑا فیصلہ

محکمہ ریلوے نے عوامی سہولت کے لیے 16 اپریل 2025 سے ڈیرہ غازی خان ملتان کے درمیان شٹل ٹرین چلانے کا فیصلہ کیا ہے۔

شٹل ٹرین ملتان سے صبح 5:30 بجے روانہ ہوگی اور شیر شاہ، مظفر گڑھ اور کوٹ ادو سے ہوتی ہوئی ڈیرہ غازی خان پہنچے گی، جہاں یہ 9:30 بجے پہنچے گی۔ ڈیرہ غازی خان سے 11:00 بجے روانہ ہوکر 2:50 بجے ملتان واپس پہنچے گی۔ یہ ٹرین 4 اکانومی کلاس کوچز اور ایک بریک وین پر مشتمل ہوگی۔

اس کے علاوہ، محکمہ ریلوے نے بولان میل کے شیڈول میں تبدیلی کا فیصلہ کیا ہے۔ 27 اپریل 2025 سے بولان میل کراچی سٹی سے شام 4:00 بجے روانہ ہوگی، جس کے بعد یہ کوٹری، سیہون، دادو، شکار پور اور جیکب آباد سے ہوتی ہوئی اگلے دن 4:00 بجے کوئٹہ پہنچے گی۔