عید کی تیاریوں میں مصروف سرکاری ملازمین کیلئے خوشخبری

دنیا بھر کے مسلمان رمضان کے آخری عشرے میں عبادات کے ساتھ عید کی تیاریوں میں مصروف ہیں، اور اس سے قبل سرکاری ملازمین کے لیے خوشخبری آ گئی ہے۔

بھارتی میڈیا کے مطابق، مغربی بنگال کی ممتا بنرجی حکومت نے اپنے سرکاری ملازمین کو عید کے موقع پر 6,800 روپے کا بونس دینے کا اعلان کیا ہے۔ یہ بونس ان ملازمین کو دیا جائے گا جو پیداوار سے متعلق بونس سسٹم میں شامل نہیں ہیں اور جن کی ماہانہ تنخواہ 44 ہزار روپے سے کم ہے۔

اس کے علاوہ، ریٹائرڈ ملازمین کو تہوار الاؤنس اور 3,500 روپے ایکس گریشیا بھی دیا جائے گا۔ محکمہ خزانہ نے بونس کی ادائیگی کے لیے احکامات جاری کر دیے ہیں۔ مسلمان ملازمین کو عید سے قبل جب کہ دیگر ملازمین کو 15 سے 19 ستمبر کے درمیان یہ بونس ملے گا۔