"سفری پابندیوں کی ڈیڈ لائن پر امریکی محکمہ خارجہ کا اہم بیان سامنے آ گیا”

امریکی محکمہ خارجہ کی ترجمان نے وضاحت کی ہے کہ سفری پابندیوں کے حوالے سے آج کوئی ڈیڈ لائن نہیں ہے اور ویزا پالیسی کا جائزہ لیا جا رہا ہے۔

تفصیلات کے مطابق، امریکی محکمہ خارجہ کی ترجمان ٹیمی بروس نے ایک پریس کانفرنس میں پاکستانی دفتر خارجہ کے ترجمان کے بیان کی تردید کی، جنہوں نے ممکنہ امریکی سفری پابندیوں کو افواہ قرار دیا تھا۔

پریس کانفرنس کے دوران صحافی نے سوال کیا کہ کیا آج سفری پابندیوں کے نفاذ کی ڈیڈ لائن ہے؟ جس پر ٹیمی بروس نے کہا کہ اس حوالے سے تفصیلات فراہم نہیں کر سکتیں لیکن یہ آج نہیں ہو رہا ہے۔ امریکہ اپنے ویزا پالیسی کا جائزہ لے رہا ہے۔

انہوں نے مزید کہا کہ امریکی محکمہ خارجہ اپنے شہریوں کی حفاظت کے لیے پرعزم ہے اور ویزوں کے ذریعے قومی سلامتی اور عوامی تحفظ کے اعلیٰ معیار کو برقرار رکھا جائے گا۔

ٹیمی بروس نے یہ بھی کہا کہ یہ یقینی بنایا جائے گا کہ امریکا آنے والے غیر ملکی مسافر امریکی سلامتی اور عوامی تحفظ کے لیے خطرہ نہ بنیں۔

یاد رہے کہ اس سے قبل بھی ٹیمی بروس نے کہا تھا کہ سفری پابندیوں کے حوالے سے کوئی حتمی فہرست تیار نہیں کی گئی، اور مختلف ممالک کے لیے ویزا پالیسی کا از سر نو جائزہ لیا جا رہا ہے۔