سونا ہزاروں روپے مہنگا، قیمت نئی بلندی پر پہنچ گئی

کراچی: عالمی معیشت میں بڑھتی ہوئی غیر یقینی صورتحال کے باعث پاکستان سمیت دنیا بھر میں سونے کی قیمتیں ریکارڈ سطح پر پہنچ گئی ہیں۔

آل پاکستان جیمز اینڈ جیولرز ایسوسی ایشن کے مطابق ملک میں فی تولہ سونا 10 ہزار روپے اضافے کے بعد 3 لاکھ 38 ہزار 800 روپے کی نئی بلند ترین سطح پر پہنچ گیا ہے۔

اسی طرح 10 گرام سونے کی قیمت میں 8 ہزار 573 روپے اضافہ ہوا، جس کے بعد نئی قیمت 2 لاکھ 90 ہزار 466 روپے ہو گئی ہے۔

عالمی منڈی میں بھی سونے کی قیمت میں نمایاں اضافہ دیکھنے میں آیا ہے، جہاں فی اونس سونا 100 ڈالر اضافے کے بعد 3218 ڈالر ہو گیا ہے۔