عالمی و مقامی مارکیٹوں میں سونے کی قیمت میں نمایاں کمی

کراچی: عالمی مارکیٹ میں سونے کی قیمت میں 26 ڈالر کمی کے بعد فی اونس نرخ 3,331 ڈالر پر آ گئے، جس کے اثرات مقامی صرافہ بازاروں پر بھی دیکھے گئے۔

پیر کے روز پاکستان میں 24 قیراط سونے کی فی تولہ قیمت 2,600 روپے کمی کے بعد 3 لاکھ 51 ہزار 500 روپے ہو گئی۔ اسی طرح فی 10 گرام سونا 2,228 روپے سستا ہو کر 3 لاکھ 1 ہزار 354 روپے پر آ گیا۔

دوسری جانب، چاندی کی قیمتوں میں کوئی تبدیلی نہیں آئی۔ فی تولہ چاندی 3,508 روپے اور 10 گرام چاندی 3,007 روپے پر مستحکم رہی۔