عوام کے لیے خوشخبری! گھی کی قیمت میں بڑی کمی

مہنگائی کے ستائے عوام کے لیے ایک اور خوشخبری، آٹے کے بعد گھی کی قیمت میں بھی نمایاں کمی دیکھنے میں آئی ہے، تاہم مرغی کا گوشت بدستور مہنگا ہے۔

مارکیٹ ذرائع کے مطابق آٹے کے 20 کلو والے تھیلے کی قیمت میں 200 روپے کمی ہوئی ہے، جس کے بعد نئی قیمت 1550 روپے ہو گئی ہے۔

صدر کریانہ مرچنٹس ایسوسی ایشن نے بتایا کہ گھی کی فی کلو قیمت میں 18 روپے کی حالیہ کمی آئی ہے، جبکہ گزشتہ ایک ماہ میں مجموعی طور پر 29 روپے فی کلو کمی ریکارڈ کی گئی ہے۔

انہوں نے مزید کہا کہ اگرچہ آٹا اور گھی سستے ہوئے ہیں، مگر ضلعی انتظامیہ مٹن اور چکن کی قیمتوں کو کنٹرول کرنے میں ناکام نظر آ رہی ہے۔ مرغی کا گوشت عام صارف کی پہنچ سے باہر ہو گیا ہے، جس پر عوامی سطح پر تشویش بڑھتی جا رہی ہے۔