عید الفطر پر کتنی چھٹیاں ہوں گی؟ بڑی خبر آگئی

عیدالفطر پر اس سال پانچ سے چھ چھٹیوں کا امکان ہے۔ رویت ہلال ریسرچ کونسل نے پیش گوئی کی ہے کہ اس بار رمضان المبارک میں 29 روزے ہوں گے اور عید الفطر 31 مارچ کو منائی جائے گی۔

ماہرین فلکیات کا کہنا ہے کہ پاکستان کے بیشتر علاقوں میں عیدالفطر کا چاند 30 مارچ کی شام نظر آنے کا امکان ہے، کیونکہ اس کی عمر 26 گھنٹے ہوگی، جو چاند نظر آنے کیلئے درکار شرائط کو پورا کرتا ہے۔

اس لیے عیدالفطر تین دن (پیر سے بدھ) یعنی 31 مارچ اور 1 اور 2 اپریل تک منائی جائے گی۔ تاہم، اگر رمضان کے 30 دن پورے ہو جاتے ہیں، تو عید منگل، یکم اپریل سے جمعرات، 3 اپریل تک منائی جائے گی۔ ہفتے کے آخر میں (ہفتہ اور اتوار) پہلے ہی سرکاری ملازمین کیلئے چھٹی ہوتی ہے، اس کا مطلب یہ ہے کہ سرکاری ملازمین کیلئے پانچ سے چھ چھٹیاں ہونے کا امکان ہے۔