عید الفطر کی چھٹیوں کا اعلان کر دیا گیا

وفاقی حکومت نے عید الفطر 2025 کے لیے 3 تعطیلات کا اعلان کیا ہے۔

نوٹیفکیشن کے مطابق، عید کی تعطیلات 31 مارچ (پیر) سے 2 اپریل (بدھ) تک ہوں گی، اور ان دنوں تمام سرکاری و نیم سرکاری دفاتر بند رہیں گے۔

دوسری جانب، ماہرین فلکیات نے پیش گوئی کی ہے کہ رمضان المبارک 29 دنوں کا ہوگا اور عید الفطر 31 مارچ کو منائی جائے گی۔ 30 مارچ کی شام عید کا چاند نظر آنے کا امکان ہے، جس کی عمر غروب آفتاب کے وقت 26 گھنٹے ہوگی۔ اگر رمضان 30 روزوں تک مکمل ہوا تو عید الفطر یکم اپریل (منگل) کو ہوگی۔