پاک افغان بارڈر پر سکیورٹی فورسز کے آپریشن میں مزید 17 دہشت گرد ہلاک

پاک فوج کے شعبہ تعلقات عامہ (آئی ایس پی آر) کے مطابق، شمالی وزیرستان میں سکیورٹی فورسز کے فالو اپ آپریشن میں مزید 17 غیر ملکی دہشت گرد ہلاک ہو گئے۔ آپریشن کے دوران دہشت گردوں سے اسلحہ اور گولہ بارود بھی برآمد ہوا۔

آئی ایس پی آر نے بتایا کہ یہ آپریشن پاک افغان بارڈر پر کیا گیا تھا، جس کے نتیجے میں گزشتہ روز بھی 54 غیر ملکی دہشت گرد ہلاک ہو چکے ہیں۔ تین روز کے دوران مجموعی طور پر 71 غیر ملکی دہشت گرد مارے گئے ہیں۔ سکیورٹی فورسز دہشت گردی کی ہر کوشش ناکام بنانے کے لیے پرعزم ہیں۔