صدر محمود عباس نے حماس سے ہتھیار ڈالنے کا مطالبہ کر دیا

فلسطین کے صدر محمود عباس نے حماس سے غزہ میں ہتھیار ڈالنے کا مطالبہ کیا ہے۔

انہوں نے فرانسیسی صدر اور سعودی ولی عہد کو خطوط لکھ کر فلسطینی عوام کے تحفظ کے لیے عرب اور بین الاقوامی افواج کی تعیناتی کی درخواست کی ہے۔ عباس نے کہا کہ حماس کو اپنی فوجی صلاحیتیں فلسطینی سیکورٹی فورسز کے حوالے کرنی ہوں گی۔

انہوں نے اقوام متحدہ کی سلامتی کونسل کے مینڈیٹ کے تحت بین الاقوامی افواج کو فلسطین میں تعینات کرنے کی حمایت کرنے کا عندیہ بھی دیا۔ یہ پیش رفت فرانس اور سعودی عرب کی جانب سے فلسطینی ریاست کے قیام کے موضوع پر کانفرنس کے انعقاد کے اعلان کے بعد سامنے آئی ہے۔