مزید سستا، قیمت میں نمایاں کمی ریکارڈ

کراچی: سونے کی قیمت میں مسلسل دوسرے روز بھی کمی دیکھی گئی، عالمی نرخ 3,325 ڈالر فی اونس تک آ گئے۔

پاک بھارت کشیدگی کے باعث بین الاقوامی بلین مارکیٹ میں سونے کی فی اونس قیمت 18 ڈالر کمی کے بعد 3,325 ڈالر ہو گئی۔ مقامی صرافہ مارکیٹ میں بھی سونے کی قیمت میں کمی دیکھی گئی۔

پاکستان میں 24 قیراط فی تولہ سونا 1,800 روپے سستا ہو کر 3 لاکھ 50 ہزار 900 روپے پر آ گیا، جبکہ 10 گرام سونا 1,543 روپے کی کمی سے 3 لاکھ 840 روپے کا ہو گیا۔

ادھر چاندی کی قیمت میں کوئی تبدیلی نہیں ہوئی، فی تولہ چاندی 3,417 روپے اور فی 10 گرام 2,929 روپے پر برقرار رہی۔