مقبوضہ کشمیر میں فائرنگ سے 26 سیاح ہلاک، 8 زخمی ہوگئے

پہلگام، بائی سرن وادی — مقبوضہ کشمیر میں فائرنگ کے واقعے میں 26 سیاح ہلاک اور 8 زخمی ہوگئے۔

بھارتی میڈیا کے مطابق حملہ دوپہر کے وقت ہوا۔ وزیراعلیٰ عمر عبداللہ نے حملے کی مذمت کی ہے۔ یہ حملہ اس وقت ہوا جب امریکی نائب صدر بھارت کے دورے پر ہیں، جس سے بھارت کا ایک اور فالس فلیگ آپریشن ہونے کا خدشہ بڑھ گیا ہے۔

بھارت ماضی میں بھی عالمی توجہ ہٹانے اور داخلی ناکامیوں پر پردہ ڈالنے کے لیے ایسے من گھڑت حملے کرتا رہا ہے۔

حملے کے بعد بھارتی میڈیا اور را سے منسلک اکاؤنٹس نے پاکستان مخالف پراپیگنڈا شروع کر دیا، اور مذہب کی بنیاد پر حملے کا رنگ دینے کی کوشش کی گئی۔

تجزیہ کاروں کا کہنا ہے کہ بھارتی حکومت اور فوج مقبوضہ کشمیر میں اپنی پالیسیوں میں بری طرح ناکام ہو چکی ہے، اور اب جھوٹے بیانیوں کے ذریعے دنیا کو گمراہ کرنے کی کوشش کی جا رہی ہے۔