اندرون اور بیرون ملک جانے والے مسافروں کیلئے بڑی خبر

ایف آئی اے نے ملک بھر کے تمام بین الاقوامی ایئرپورٹس پر سیکیورٹی سخت کرنے کا فیصلہ کرلیا ہے۔

ڈی جی ایف آئی اے کی ہدایت پر آرائیول اور ڈیپارچر کاؤنٹرز پر جدید سی سی ٹی وی کیمرے نصب کیے جائیں گے۔ یہ فیصلہ انسانی اسمگلنگ اور گداگری جیسے جرائم کی روک تھام کے لیے کیا گیا ہے۔ نگرانی کا نظام ایف آئی اے ہیڈکوارٹرز سے بھی کنٹرول کیا جائے گا۔

تمام امیگریشن سربراہان کو مراسلہ جاری کر دیا گیا ہے، جس کے تحت ہر بین الاقوامی ایئرپورٹ پر کڑی نگرانی یقینی بنائی جائے گی۔

ایف آئی اے کا یہ قدم سیکیورٹی نظام کو جدید خطوط پر استوار کرنے کی کوشش کا حصہ ہے۔