مودی کا جنگی جنون: رافیل کے بعد کرنسی اور مارکیٹ بھی گر گئی

بھارت میں جنگی ماحول اور جھوٹی خبروں کے باعث معاشی عدم استحکام بڑھنے لگا۔ رافیل کے بعد کرنسی اور مارکیٹ بھی گر گئی۔

روئٹرز کے مطابق بھارتی اسٹاک مارکیٹس میں شدید مندی دیکھنے میں آئی ہے، جہاں نیفٹی 50 انڈیکس 1.18 فیصد اور بی ایس ای سینسیکس 1.12 فیصد گر گیا۔

تقریباً تمام صنعتی سیکٹرز میں شیئرز کی قیمتیں نیچے آگئی ہیں، جب کہ بھارتی روپے کی قدر بھی مسلسل گراوٹ کا شکار ہے۔ صرف دو دن میں روپیہ امریکی ڈالر کے مقابلے میں 1 روپے 25 پیسے کمزور ہوا۔

غیر ملکی میڈیا کا کہنا ہے کہ بھارتی میڈیا کی جھوٹی جنگی خبریں سرمایہ کاروں میں خوف و ہراس پھیلانے کا سبب بن رہی ہیں، جس کا براہِ راست اثر معیشت پر پڑ رہا ہے۔