مچھروں کے شکار پر نقد انعامات کا اعلان

فلپائن میں ڈینگی کے بڑھتے ہوئے کیسز کو روکنے کے لیے مچھروں کے شکار پر نقد انعامات کا اعلان کر دیا گیا۔

منیلا میں بارنگے ایڈیشن ہلز کے چیف کارلیٹو سرنل نے بتایا کہ رہائشیوں کو ہر پانچ مچھروں کے بدلے ایک پیسو (تقریباً 2 امریکی سینٹ) انعام دیا جائے گا۔ اگرچہ اس انوکھے اقدام کو سوشل میڈیا پر تنقید کا سامنا کرنا پڑا ہے، حکام نے اس کا دفاع عوامی صحت کے تحفظ کے لیے ضروری اقدام کے طور پر کیا۔ مچھروں کے شکار کا پروگرام کم از کم ایک ماہ تک جاری رہے گا، اور مردہ اور زندہ مچھروں کے ساتھ ساتھ ان کے لاروا دونوں کے لیے انعامات دیے جائیں گے۔ زندہ مچھروں کو الٹرا وائلٹ لائٹ کے ذریعے مارا جائے گا۔

اب تک 21 افراد اپنے انعامات کا دعویٰ کرنے کے لیے 700 مچھر اور لاروا جمع کر چکے ہیں۔

منگل کو اس اعلان کے بعد سوشل میڈیا صارفین نے اس اقدام کا مذاق اڑانا شروع کر دیا تھا۔ ایک صارف نے مذاق میں کہا، "مچھر کی فارمنگ اب شروع ہو جائے گی،” جب کہ دوسرے نے سوال کیا کہ کیا ایک پروں والا مچھر قبول کیا جائے گا۔

فلپائن کے محکمہ صحت نے تبصرہ کیا کہ وہ ڈینگی کے خلاف مقامی حکومت کی کوششوں کو سراہتے ہیں، لیکن اس طریقہ کار کی تاثیر پر تبصرہ کرنے سے گریز کیا۔