میاں بیوی میں جھگڑے کی بڑی وجہ سامنے آگئی

اکثر میاں بیوی کے درمیان چھوٹی باتوں پر جھگڑے ہوتے ہیں، مگر سائنسدانوں نے ایک حیران کن اور غیرمتوقع وجہ دریافت کی ہے جو شادی شدہ جوڑوں کے درمیان تعلقات خراب کر سکتی ہے — اور وہ ہے "دولت”۔

جرنل سوشل اینڈ پرسنل ریلیشن شپس میں شائع نئی تحقیق کے مطابق وہ جوڑے جو دولت کو خوشی کی کنجی سمجھتے ہیں، ان میں مالی معاملات پر بات چیت کم ہوتی ہے۔ ان کی سوچ مادہ پرستی کی طرف جھک جاتی ہے، جس سے تعلقات میں دوریاں بڑھتی ہیں۔

زیادہ دولت کی خواہش اور اس سے جڑی توقعات جوڑوں کو رشتے سے غیر مطمئن کر دیتی ہیں۔ دولت کتنی ہو، یہ نہیں — اس بارے میں سوچ کی ہم آہنگی اہم ہے!

تحقیق میں یہ بھی پایا گیا کہ اگر دونوں کا دولت کے بارے میں نظریہ یکساں ہو تو وہ زیادہ بات چیت کرتے ہیں اور رشتے سے زیادہ خوش رہتے ہیں۔